}ڈھاٹی{ (٭) کئی انیکاں آئے سوڈھی دل رچیائی
لالی اگوں لتھے ناہیں ایسیں مہندی لائی
اکھاں دے وچ وسدا رانا بُھلاں کداں اوس نوں
(٭) ڈھاٹی = تھر دا اِک علاقہ - ڈھٹ جہدے ریہن والے نوں ڈھاٹی آکھیا گیا اے۔

’ڈھٹ‘ سے کتنے ہی لوگ آتے ہیں
اس دیار دگر میں صبح و شام
لیکن آیا نہ آج تک کوئی
لے کے رانے کا نامہ و پیغام
جی بہلنا نہیں کسی صورت
جب سے رخصت ہوا وہ دل آرام
بس گیا مثل رنگ و بوئے بہار
دیدۂ و دل میں کوئی گل اندام
راز دارانہ میرے کانوں میں
کہہ گیا جو وہ ماوراے کلام
وہ اگر آشکار ہو جائے
پھر نہ لے کوئی راحتوں کا نام
رات بھر کروٹیں بدلتا ہے
کتنی مشکل میں ہے دل ناکام
منتظر ہے فضائے مے خانہ
آ بھی جا میرے ساقی گلفام

ڈھاٹی بہت سے آئیں جائیں، تجھ سے پریت کا بندھن،
ایسی تو نے انگ لگائی، مہندی یار سجن!
تیرا ہی اب درشن، بِسرائیں نہ نین یہ میرے۔