اپنے دل کے حصار میں محصور
ان سے کیسے ہو باخبر کوئی
بھید زمّار کا نہ کھولیں گے
پوچھنا چاہے بھی اگر کوئی
منزل معرفت سے جب لوٹے
دور تک تھا نہ ہم سفر کوئی

جوگیوں کی عجیب باتوں کو
راز سربستۂ جہاں کہئے
فہم و ادراک محوِ حیرت ہیں
وہ زباں ہے کہ چیستاں کہئے

ابھی بیٹھے تھے سرنگوں سارے
اب زمیں میں گڑے ہیں کیوں جوگی
کچھ تو دیکھا ہے ان کی آنکھوں نے
محو حیرت کھڑے ہیں کیوں جوگی

بھید پہیلی ان کی بولی، ایسی جوگی ذات،
دور ڈگر پہ چلیں سفر کو، کیسی مشکل بات،
یہ بھی عبادت، گر سمجھ سے کوئی انکو۔