اَچَڻَ جي سنڌي معنيٰ
پھچڻ، وارد ٿيڻ، رَسَڻَ، سَھڙَڻ. حاضر ٿيڻ، موجود ٿيڻ. داخل ٿيڻ. حاصل ٿيڻ. ملڻ. وصول ٿيڻ پيسا وغيرہ. ڪمائي ٿيڻ. آمدني ٿيڻ. ڪٺي ٿيڻ، گڏجڻ. (”وڃڻ“ جو ضد. آيو، ايندو، آيل)
ذريعو:ڀٽائي پيڊيا
English Meaning
Reaching, arrival, coming, obtaining
اَچَڻَ جا بيتن ۾ حوالا
ويڄَنِ ويٺيئي، دوسِتُ پيھِي دَرِ آيو،
صِحَتَ جِي سَرِيرَ ۾، ڪَلَ ڪَرِين پيئِي،
پِيڙَ پَري ويئِي، اَچَڻَ ساڻُ عَجِيبَ جي.
[ سُر يمن ڪلياڻ، ويڄ ۽ دارُون، 9 ]
صِحَتَ جِي سَرِيرَ ۾، ڪَلَ ڪَرِين پيئِي،
پِيڙَ پَري ويئِي، اَچَڻَ ساڻُ عَجِيبَ جي.
[ سُر يمن ڪلياڻ، ويڄ ۽ دارُون، 9 ]
اَڄُ پُڻ اَڇائِي، چوڏِھيِنءَ ماھَ چَنڊَ جي،
مُون ڏُونھَن مُون پِرِيَنِ جي، اَچَڻَ جِي وائِي،
مُون گهَرِ واڌائِي، پيئِي کامِ کَرَنِ ۾.
[ سُر کنڀات، چنڊ، 14 ]
مُون ڏُونھَن مُون پِرِيَنِ جي، اَچَڻَ جِي وائِي،
مُون گهَرِ واڌائِي، پيئِي کامِ کَرَنِ ۾.
[ سُر کنڀات، چنڊ، 14 ]
اَڄُ پُڻ اوڀارو، چوڏِھِينءَ ماھَ چَنڊَ جو،
مُون گهَرِ مُون پِرِيَنِ جي، اَچَڻَ جو وارو،
سَڄَڻُ سوڀارو، ڀيڄَ ڀَنِيءَ گهَرِ آيو.
[ سُر کنڀات، چنڊ، 15 ]
مُون گهَرِ مُون پِرِيَنِ جي، اَچَڻَ جو وارو،
سَڄَڻُ سوڀارو، ڀيڄَ ڀَنِيءَ گهَرِ آيو.
[ سُر کنڀات، چنڊ، 15 ]
مِينھان ۽ نِينھان، ٻَئِي اَکَرِ ھيڪَڙي،
جي تُون وَسَڻَ جا ويسَ ڪَرِين، تَہ ڪَڪَرَ ڪَنَ ڪِيھان،
بادَلُ ٿِي بِيھان، جي تُون آگَمَ اَچَڻَ جا ڪَرِين.
[ سُر سارنگ، بادل نيڻ ۽ مينھن، 13 ]
جي تُون وَسَڻَ جا ويسَ ڪَرِين، تَہ ڪَڪَرَ ڪَنَ ڪِيھان،
بادَلُ ٿِي بِيھان، جي تُون آگَمَ اَچَڻَ جا ڪَرِين.
[ سُر سارنگ، بادل نيڻ ۽ مينھن، 13 ]
جاران جَتُ ڏِٺومِ، عَينَنِ سين آمِينَ اَلا،
سَڄين نيڻين سوجِهرو، پِريان جو پِيومِ،
اُونداھو اَندَرَ جو، تَهِين ويرَ وِئومِ،
سَرَھو ساھُ ٿِيومِ، اَچَڻَ ويلَ عَجِيبَ جي.
[ سُر ديسي، جت، اُٺ ۽ ڌاريا، 10 ]
سَڄين نيڻين سوجِهرو، پِريان جو پِيومِ،
اُونداھو اَندَرَ جو، تَهِين ويرَ وِئومِ،
سَرَھو ساھُ ٿِيومِ، اَچَڻَ ويلَ عَجِيبَ جي.
[ سُر ديسي، جت، اُٺ ۽ ڌاريا، 10 ]
رُسُ مَ رُسَڻُ گهورِئو، اُٺُ اوراھُون ڪَرِ،
ڀَرِي ڪاڪِ قُربَ سين، تُنھِنجي اَچَڻَ ساڻُ اَپَرِ،
لِلہِ لَڳِ لَطِيفُ چئَي، ڪِجِ وِلِهِيءَ تي وَرِ،
پَرَچُ پِرِين ڪَنھِن پَرِ، تَہ سوڍا سُکِياڻِي ٿِيان.
[ سُر راڻو، رُس مَ رُسڻ گهورئو، 14 ]
ڀَرِي ڪاڪِ قُربَ سين، تُنھِنجي اَچَڻَ ساڻُ اَپَرِ،
لِلہِ لَڳِ لَطِيفُ چئَي، ڪِجِ وِلِهِيءَ تي وَرِ،
پَرَچُ پِرِين ڪَنھِن پَرِ، تَہ سوڍا سُکِياڻِي ٿِيان.
[ سُر راڻو، رُس مَ رُسڻ گهورئو، 14 ]
پانڌِي پِرِينءَ پَنوَهارَ جا، جانۡ ٿو وَڃين وَسَ،
ساري ڏيجِ سَرَتِيين، سَلامَنِ سَھسَ،
آئُون اَوهان جِي آھِيان، گولِي مَٿي گَسِ،
ويٺِي ڪَرِيان وَسَ، ايڏي جَي اَچَڻَ جا.
[ سُر مارئي، مَ رو، پانڌي پرين پنھوار، 5 ]
ساري ڏيجِ سَرَتِيين، سَلامَنِ سَھسَ،
آئُون اَوهان جِي آھِيان، گولِي مَٿي گَسِ،
ويٺِي ڪَرِيان وَسَ، ايڏي جَي اَچَڻَ جا.
[ سُر مارئي، مَ رو، پانڌي پرين پنھوار، 5 ]
English Meaning
Reaching, arrival, coming, obtaining