ٻيا بيت
- سُر سامونڊي جَي ڳرڻ ۽ چنتا جو بيت
اَچَنِ سِڙَه اُپَڙِئا، مَٿِنِ ڪَپَڙَ ڪوٽَ ،
سامُونڊِي مُون گهوٽَ، سيڻَ سَلامَتَ آيا.
سمجهاڻي
جھازن جا سڙه مٿي کنيل نظر پيا اچن، (بندر تي پھچڻ وقت نظارو) جن تي ٿلهي ڪپڙي جون لڳل وٽون ۽ ڪُنگرا صاف پيا ڏسجن (سڙه ڄڻ ٿلهي ڪپڙي جا ڪوٽ آهن). منھنجا سامونڊي وڏي سفر تان، پرلڪ (سوماطرا جي اڀرندي ڪناري واري شھر) ۾ وڻج واپار ڪري وڏو ناڻو ڪمائي موٽيا آهن.
گنج ۾، سرود سامونڊي، بيت نمبر : 1529
اَچَنِ سِرَ اُپَرِئَا مَٿِنِ ڪَپَرَ ڪُوْٽَ﮶
سَامُوْڊِيْ مُنْ کُوْٽَ سٖيْنَ سَلَامَةَ اٰئِيَا﮶
ھِي بيت ٻين سھيڙيندڙن وٽ ڏِسو
TRANSLITERATION
सिन्धी देवनागिरी
अचनि सिड़ह उपड़िआ। मथिनि कपड़ कोट।
सामूंडी मूं घोट। सेण सलामत आया।
ROMAN SINDHI
Achan'n sarh'h uparhia, mathaan kaparh koat't,
Samundeiy moon Ghot, seein salamat aaeya.
TRANSLATIONS
ھِن سُر جي راڳ بابت
سر سامونڊي جو تعلق سنڌي پرڪاش راڳ آھي ۽ ھن جي شڪل پوربي ٺاٺ سان ملي ٿي. آروھي ۽ آمروھي اوڏو سمپورڻ آھي يعني آروھيءَ ۾ پنج سر ۽ آمروھيءَ ۾ ست سر آھن. ڀٽائي جن جي راڳ کي راڳ وديا ۾ اھڙو تہ چالو ڏنو آھي جيڪو ھند جي ڏنل سنگيت سان ڪونہ ٿو ملي. انهيءَ ڪري شاھ جي سنگيت ۾ ان جو نالو ئي لطيفي چالو رکيو ويو آھي. وادي سر ”گنڌار“ ۽ سموادي سر ڌيوت راڳ جي آلاپن جو پھر شام کان رات تائين جو آھي.
ٺاٺ: پوربي
آروھي: سا گي مي پا ني سا
آمروھي: سا ني ڌا پا مني گي را سا
وقت (سمو) شام
(ذريعو: شاھ جو راڳ، سرگم وسيلي نئي تحقيق. تحقيق: استاد امير علي خان. ڇپائيندڙ: سنڌي لئنگئيج اٿارٽي)
Lexical Density of this Bait
| Number of words: | |
|---|---|
| Lexical Words:* | |
| Non-lexical words:** | |
| Lexical Density: |
* Words of Noun, adjective, verb & adverb
** Words of Pro-noun, post-position, conjunction & interjection