ڪَانگُ. پکيءَ جو قسم، ڪانءُ، ڪانگڙو، کيانتو، زاغُ، ڪانگل، ڪانگو، لِڪو، ڪاڳڙو.

A crow. The hair of the back part of head above the kiari.

• وَھِلو وانءُ وَرُ وَرِئا پِرِين، آءُ ڪانگا وَڻِ ويھُ، جَنِ ڏُورِ چِتايو ڏيھُ، سي اُڏامِي آڻِ پِرِين.[ سُر پورب - ڪانگ ]
• وَھلو وانءُ وَرُ وَرِئا پِرِين، آءُ ڪانگا لَنئُن لاتِ، وِئا جٖي قَلاتِ، سي اُڏامِي آڻِ پِرِين.[ سُر پورب - ڪانگ ]
• پِرِين جٖي پَرَديسَ ۾، تَنِ جِي ڪانگا ڪَرِ خَبَرَ، سَڀَ مَڙاھِئان سونَ سين، پَکِي تُنھِنجا پَرَ، گُهمِي مَٿان گهَرَ، ڏِجِ…[ سُر پورب - ڪانگ ]
• آءُ ڪانگا وَڻِ ويھُ، سُڌِيُون ڏي ساڻيھَ جُون، چَڱا ڀَلا مُون پِرِين، ڪِ سُکِ وَسي ساڻيھُ، پِرِيَنِ لَيءِ پَرَڏيھُ، مُون…[ سُر پورب - ڪانگ ]
• ڪَڍِي ڪانگا تو ڏِيان، ھِنيُون ساڻُ ھَٿَنِ، وَڃِي کاءُ وِلاتَ ۾، اَڳِيان عَجِيبَنِ، پِرِين مانَ چَوَنِ، تَہ ھِيئَن قُربانِي ڪيرَ…[ سُر پورب - ڪانگ ]
• ھُئَين وَسِيلو وِچَ ۾، ڪانگا پارِيَئِي ڪانَہ، اُتَئِي ڪِينَ عَجِيبَ کي، ظاھِرُ ساڻُ زَبانَ، توڙِ پھتين تان نَہ، اورِيائِين آڻِئو…[ سُر پورب - ڪانگ ]
• آءُ ڪانگا تو ڏِيان، چِٺِي چورائي، سا وَڃِي ڏي مَحبُوبَ کي، لوڪان لِڪائَي، پِرِين پَڙَهائي، مانَ سُڌِ لَھَنِ سُورَ جِي.[ سُر پورب - ڪانگ ]
• آءُ ڪانگا ٻَھُ ڪولِ، سُڌِيُو ڏي ساڻيھَ جُون، جي آندَئِي عَجِيبَنِ جا، سي خَطَ خُوشِيءَ مان کولِ، آئُون سُڻان تُون…[ سُر پورب - ڪانگ ]
• ڪانگا ڪِتابَتَ جِي، آندِيَئِي خُوبُ خَبَرَ، لَسَ تَنھِن ۾ لِکِئا، دِلِاسا دِلبَرَ، ھِينئَڙو مُون ھَرَ ھَرَ، واچِئو واچِئو وِندُري.[ سُر پورب - ڪانگ ]
• اُڀِرَندي سِجَ سان، پِرِين جَي نَہ پَسَندِيُون، ڪَڍِي کي ڪانگان، نيوالا نيڻَ ڏِيان.[ سُر آسا - نيراني اکڙيون ]